قازاقستان رەسپۋبليكاسىنىڭ پرەزيدەنتى ن. نازارباەۆتىڭ 01.03.2016 ج. جارلىعىمەن بەكىتىلگەن قازاقستان رەسپۋبليكاسىندا ءبىلىم بەرۋدى جانە عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسىنا, 2015 ج. قاراشاداعى قر «ءبىلىم تۋرالى» زاڭىنا ەنگىزىلگەن وزگەرتۋلەر مەن تولىقتىرۋلارعا سايكەس 2017 جىلدان باستاپ بارلىق تىلەك بىلدىرۋشىلەرگە جۇمىسشى بىلىكتىلىكتەرى بويىنشا تەگىن تەحنيكالىق جانە كاسىپتىك ءبىلىم الۋ مۇمكىندىگى بەرىلەدى; وسكەلەڭ ۇرپاقتى ەڭبەككە الەۋمەتتىك بەيىمدەۋ ماقساتىندا ءبىرىنشى جۇمىسشى بىلىكتىلىگىن تەگىن بەرۋ ارقىلى مەكتەپ تۇلەكتەرىنىڭ كاسىپتىك دايىندىققا قول جەتىمدىلىگى قامتاماسىز ەتىلەدى.
تەحنيكالىق جانە كاسىپتىك ءبىلىم بەرۋ ۇيىمدارى جىل سايىن ءبىلىم الۋشىلار كونتينگەنتىن كوبەيتۋدە جانە جاستار اراسىندا كوپ تانىمال بولۋدا. سوندىقتان ەلىمىزدىڭ ۇزدىك كوللەدجدەرىنىڭ رەيتينگى مەكتەپ تۇلەكتەرىنە قاي وقۋ ورنىنا ءتۇسۋ, قاي وقۋ ورنىن تاڭداۋ ماسەلەلەرىنىڭ دۇرىس شەشىمىن تابۋ قۇرالى نەمەسە كومپاسى بولىپ تابىلادى
ءبىلىم بەرۋ ساپاسىن قامتاماسىزداندىرۋ تاۋەلسىز قازاقستاندىق اگەنتتىگى (بسقا) قازاقستاندىق كوللەدجدەردى سارالاۋدىڭ پيلوتتىق جوباسىن ەكىنشى رەت وتكىزىپ, قازاقستاننىڭ ۇزدىك كوللەدجدەرىنىڭ رەيتينگى – 2016 ۇسىنادى.
اگەنتتىك كوللەدجدەردىڭ رەيتينگىن مامانداردى دايىنداۋ بەيىنى مەن ماماندىقتار ءتىزىمى ەسكەرىلگەن بەس باعىتتا وتكىزدى: كوپسالالى, پوليتەحنيكالىق, گۋمانيتارلىق-ەكونوميكالىق, مەديتسينا جانە ونەر. بسقا رەيتينگتى وتكىزۋدە ونىڭ شىنايىلىق, اشىقتىق, دايەكتىلىك, ناقتىلىق جانە مۇددەلى قۇرىلىمداردى تارتۋ پرينتسيپتەرىن ۇستانادى.
رەيتينگتى وتكىزۋ بارىسىندا كوللەدجدەر ۇسىنعان ستاتيستيكالىق مالىمەتتەر پايدالانىلدى. كوللەدجدەردىڭ اكادەميالىق قىزمەتى بەس ينديكاتور بويىنشا باعالاندى: ستۋدەنتتەر كونتينگەنتى, ينجەنەرلىك – پەداگوگيكالىق قىزمەتكەرلەردىڭ ساپاسى, اككرەديتتەۋدەن ءوتۋ (تجكب ۇيىمىنىڭ قىزمەت ساپاسى), جۇمىس بەرۋشىلەرمەن ىنتىماقتاستىق جانە ينتەرنەتتەگى اقپاراتتىق قامتاماسىزداندىرۋ. ينديكاتورلار مەن كريتەريلەردىڭ تولىق سيپاتتاماسى جانە ولاردىڭ پايىزدىق سالماعى اگەنتتىكتىڭ www.nkaoko.kz سايتىندا ۇسىنىلعان.
اگەنتتىكتىڭ ساراپشىلارى كوللەدجدەر ۇسىنعان اقپاراتتىڭ دۇرىستىعىن انىقتاۋ بويىنشا جۇمىستاردى جەتە جۇرگىزىپ, ناتيجەلەرىن انىقتادى.
كوپسالالى كوللەدجدەر رەيتينگىنىڭ قورىتىندىسى بويىنشا جەتەكشى بەستىككە: پاۆلودار ق. يننوۆاتسيالىق ەۋرازيا ۋنيۆەرسيتەتىنىڭ كوللەدجى (1 ورىن), قىزىلوردا كوپسالالى گۋمانيتارلىق – تەحنيكالىق كوللەدجى (2 ورىن), ابىلاي حان اتىنداعى قىزىلوردا كوللەدجى (3 ورىن), وڭتۇستىك قازاقستان كوپسالالى كوللەدجى (4 ورىن), سارىاعاش كوپسالالى كوللەدجى (5 ورىن) ەندى.
پوليتەحنيكالىق كوللەدجدەر ىشىندە: الماتى مەملەكەتتىك ەنەرگەتيكا جانە ەلەكتروندى تەحنولوگيالار كوللەدجى (1 ورىن), و. تۇماعانبەت ۇلى اتىنداعى جاڭاوزەن مەملەكەتتىك مۇناي جانە گاز كوللەدجى (2 ورىن) جانە باتىس قازاقستان ينجەنەرلىك تەحنولوگيالىق كوللەدجى (3 ورىن) الدى. پوليتەحنيكالىق كوللەدجدەر بويىنشا ۇزدىك بەستىككە قوستاناي مەملەكەتتىك پوليتەحنيكالىق كوللەدجى جانە حرومتاۋ مەملەكەتتىك كەن-تەحنيكالىق كوللەدجى لايىقتى ءوز ورنىن يەلەندى.
گۋمانيتارلىق-ەكونوميكالىق كوللەدجدەر باعىتىندا م. مامەتوۆا اتىنداعى قىزىلوردا مەملەكەتتىك گۋمانيتارلىق كوللەدجى كوشباسشى بولسا, ماڭعىستاۋ مەملەكەتتىك گۋمانيتارلىق كوللەدجى 2 ورىن, قازتۇتىنۋوداعى قوستاناي ەكونوميكالىق كوللەدجى 3 ورىن الدى.
«ونەر» باعىتى بويىنشا ۇزدىك كوللەدج بولىپ «سىمبات» ديزاين جانە تەحنولوگيا اكادەمياسىنىڭ كوللەدجى تانىلدى.
مەديتسينا كوللەدجدەرى باعىتىندا ءبىرىنشى ورىندى تۇراقتى كوكشەتاۋ مەملەكەتتىك مەديتسينالىق كوللەدجى, ودان كەيىن تۇركىستان مەملەكەتتىك مەديتسينالىق كوللەدجى السا, ءۇشىنشى ورىندى قىزىلوردا مەملەكەتتىك مەديتسينالىق كوللەدجى الدى. بۇل باعىت بويىنشا جەتەكشى بەستىك كوللەدجدەرىنە قوستاناي مەملەكەتتىك مەديتسينالىق كوللەدجى جانە استانا قالاسى اكىمدىگىنىڭ مەملەكەتتىك مەديتسينالىق كوللەدجى ەندى.
اگەنتتىك رەيتينگكە قاتىسپاعان كوللەدجدەردىڭ باسشىلىعىن وسى باعىتتاعى جۇمىستى بەلسەندىرۋگە كوڭىل بولۋگە زەر سالادى. تجكب ۇيىمدارىنىڭ رەيتينگى ءار كوللەدجدىڭ مۇمكىندىكتەرىن زەردەلەۋ جانە باعالاۋعا, ءبىلىم بەرۋ قىزمەتىنىڭ باسەكەلەستىك ورتاسىندا ءوز ورنىن تابۋعا جانە ءبىلىم بەرۋ ساپاسىن قامتاماسىز ەتۋدە ءوز پوزيتسياسىن جاقسارتۋعا مۇمكىندىك بەرەدى.
ءبىلىم بەرۋ ساپاسىن قامتاماسىزداندىرۋ تاۋەلسىز قازاقستاندىق اگەنتتىگى بارلىق تالاپكەرلەر مەن ولاردىڭ اتا-انالارىنا تابىس جانە كوللەدجدى دۇرىس تاڭداۋدى تىلەيدى. اگەنتتىك قازاقستاننىڭ ۇزدىك كوللەدجدەرىنىڭ رەيتينگى ولارعا وقۋ ورنىن دۇرىس تاڭداۋعا كومەكتەسەدى دەپ سەنەدى!
ش.كالانوۆا, ءبىلىم بەرۋ ساپاسىن قامتاماسىزداندىرۋ تاۋەلسىز قازاقستاندىق اگەنتتىكتىڭ پرەزيدەنتى, پروفەسسور, پ. ع. د.
قازاقستاننىڭ ۇزدىك كوپسالالى كوللەدجدەرى رەيتينگى – 2016
ورنى
اتاۋى
بالدارى
1
يننوۆاتسيالىق ەۋرازيا ۋنيۆەرسيتەتىنىڭ كوللەدجى
100,00
2
قىزىلوردا كوپسالالى گۋمانيتارلىق – تەحنيكالىق كوللەدجى
46,98
3
ابىلاي حان اتىنداعى قىزىلوردا كوللەدجى
45,86
4
وڭتۇستىك قازاقستان كوپسالالى كوللەدجى
23,09
5
سارىاعاش كوپسالالى كوللەدج
14,35
قازاقستاننىڭ ۇزدىك پوليتەحنيكالىق كوللەدجدەرى رەيتينگى – 2016
ورنى
اتاۋى
بالدارى
1
الماتى مەملەكەتتىك ەنەرگەتيكا جانە ەلەكتروندى تەحنولوگيالار كوللەدجى
100,00
2
و. تۇماعانبەت ۇلى اتىنداعى جاڭاوزەن مەملەكەتتىك مۇناي جانە گاز كوللەدجى
78,18
3
باتىس قازاقستان ينجەنەرلىك تەحنولوگيالىق كوللەدجى
78,14
4
قوستاناي مەملەكەتتىك پوليتەحنيكالىق كوللەدجى
77,61
5
حرومتاۋ مەملەكەتتىك كەن-تەحنيكالىق كوللەدجى
67,39
6
ەكىباستۇز مەملەكەتتىك پوليتەحنيكالىق كوللەدجى
62,63
7
تورعاي مەملەكەتتىك اگرارلىق-تەحنيكالىق كوللەدجى
50,50
قازاقستاننىڭ ۇزدىك گۋمانيتارلىق-ەكونوميكالىق كوللەدجدەرى رەيتينگى – 2016
ورنى
اتاۋى
بالدارى
1
م. مامەتوۆا اتىنداعى قىزىلوردا مەملەكەتتىك گۋمانيتارلىق كوللەدجى
100,00
2
ماڭعىستاۋ مەملەكەتتىك گۋمانيتارلىق كوللەدجى
93,53
3
قازتۇتىنۋوداعى قوستاناي ەكونوميكالىق كوللەدجى
70,50
قازاقستاننىڭ ۇزدىك ونەر كوللەدجدەرى رەيتينگى – 2016
ورنى
اتاۋى
بالدارى
1
«سىمبات» ديزاين جانە تەحنولوگيا اكادەمياسىنىڭ كوللەدجى
100,00
قازاقستاننىڭ ۇزدىك مەديتسينالىق كوللەدجدەرى رەيتينگى – 2016
ورنى
اتاۋى
بالدارى
1
كوكشەتاۋ مەملەكەتتىك مەديتسينالىق كوللەدجى
100,00
2
تۇركىستان مەملەكەتتىك مەديتسينالىق كوللەدجى
93,55
3
قىزىلوردا مەملەكەتتىك مەديتسينالىق كوللەدجى
92,34
4
قوستاناي مەملەكەتتىك مەديتسينالىق كوللەدجى
88,29
5
استانا قالاسى اكىمدىگىنىڭ مەملەكەتتىك مەديتسينالىق كوللەدجى
87,23
6
اتىراۋ مەملەكەتتىك مەديتسينالىق كوللەدجى
78,63
7
جامبىل مەملەكەتتىك مەديتسينالىق كوللەدجى
48,56
8
جەزقازعان قالاسىنىڭ مەملەكەتتىك مەديتسينالىق كوللەدجى
42,29
9
وسكەمەن كالاسىنىڭ مەملەكەتتىك مەديتسينالىق كوللەدجى
38,11
10
«مەيىر-بەيس» لەڭگىر مەديتسينالىق كوللەدجى
27,10